♣️ هتعمل إيه لو جالك عيان عنده (DKA) ؟
في الاول يعني ايه (DKA) يعني (Diabetic ketoacidosis)؟
D = Diabetes
K = Keto
A = Acidosis
*أولا_إزاي_تعرف_العيان_(DKA) ؟
1. هتلاقيه عطشان وعايز يشرب كتير وبيدخل الحمام كتير
2. ريقه ناشف وضغطه منخفض وضربات قلبه سريعة
3. غثيان وقئ وألم في البطن …ودي ممكن تغلط فيها على انها زايدة
4. هتلاقي عنده (rapid deep respiration) يعني بياخد نفس عميق وسريع
اهم حاجة تدور عليها علامات الجفاف: شوف لسانه جاف وشوف جلده وهكذا
طب ايه هي اسباب (DKA) ؟
مريض سكر في حاله Stress
دي نلخصها في (4I)
1- infection – العدوي
2- infarction – جلطه
3- insulin insufficiency -نقص الأنسولين
4- illness – مرض
*أهم_الفحوصات_اللي_لازم_تعملها ؟
هتعمل (blood glucose level) تحليل سكر هتلاقيه اعلي من 250
هتعمل (ketone bodies in urine) تحليل بول هتلاقي فيه اسيتون في البول
هتعمل (ABG) هتلاقي ال ph اقل من 7.35 يعني (acidosis) وهتلاقي البكربونات اقل من 18 يبقي الحالة (Metabolic acidosis)
ازاي نعالج مريض ال (DKA) ؟
اهم الخطوات انك تعالج الجفاف قبل أي حاجة تانية
إدي محاليل بسرعة وبكمية كبيرة وهتستعمل (normal saline 0.9%) محلول الملح العادي
*طب_ازاي؟ 👇👇👇👇👇
*هتدي_ملح_كالتالي
لتر في نصف ساعة
لتر في ساعة
ولتر في ساعتين
وبعد كدة لتر كل أربع ساعات طول اليوم لغاية ما يكمل 24 ساعة
اثناء ما انت بتعطي محلول ملح
تابع بقياس الضغط ومتابعة النبض والحرارة وكمية السوايل الداخلة والخارجة بقسطرة بول
الخطوة التانية : *ازاي_نقلل_السكر ؟
قبل ما تعطي انسولين لازم الاول تقيس نسبة البوتاسيوم في الدم عشان الانسولين بيقلل البوتاسيوم
حذار انك تدي جرعة كبيرة مرة واحدة من الانسولين لأنك ممكن تدخل من hyperglycemia ل hypoglycemia وتدخل عيانك في (osmotic encephalopathy)
*طب_هتعطي_جرعة_الانسولين_ازاي.؟
جرعة مبدأية إنسولين مائي 0.1 وحدة لكل كيلو جرام وريد …يعني لو وزن العيان 70 كيلو هتديله سبعه وحدات
بعد كده هنعطي جرعة هيستمر عليها بنسميها (maintenance dose):
هضيف 50 وحدة على 50 سم محلول ملح (يعني كل سم = وحدة)
وبعدين تعطي جرعة الانسولين يعني لو وزن العيان 70 كيلو هتديله سبع وحدات علي مدار ساعة عن طريق سرنجة الـ (infusion)
لما مستوى السكر ينزل لأقل من 250 قلل معدل الإنسولين للنصف ودخل دكستروز مع محلول الملح
أول ما العيان يتحسن هتدي إنسولين تحت الجلد قبل ما توقف الإنسولين الوريد بساعة
*خدبالك:
• عيان ال DKA بيبقى عنده hypokalaemia والإنسولين بيزودها
وقف الإنسولين وا ديله بوتاسيوم لو كان البوتاسيوم أقل من 3.3
لو البوتاسيوم كان أعلى من 5 ماتديش
• لو ال ph نزلت أقل من 6.9 ادي بيكربونات صوديوم
وطبعا كل اوردر بيتم بيكون بامر الطبيب.
#تمريض
#كل_يوم_معلومة_طبية #ممرض
#الشعب_الصيني_ماله_حل #عيان
#fypシ #nursing